शान्ता तामाङबाट कांग्रेस केन्द्रीय सदस्यमा आदिवासी जनजाति महिला तर्फबाट उम्मेदवारी दर्ता

काठमाडौं । नेपाली कांग्रेसको १४ औं महाधिवेशन अन्तर्गत नयाँ नेतृत्व चयनको प्रक्रिया शुरु भईरहँदा मोडल, कलाकार, व्यवसायी तथा समाजसेवी शान्ता कुमारी तामाङले केन्द्रीय सदस्यमा उम्मेदवारी दर्ता गरेकी छिन् ।

शनिबार तामाङले राष्ट्रिय सभागृहमा आदिवासी जनजाति महिला तर्फबाट केन्द्रिय सदस्यमा मनोनयन दर्ता गरेकी हुन् ।

तामाङले आफू नेपाली कांग्रेसको राजनीतिमा लामो समयदेखि सक्रिय भई दुई पटक महासमिति सदस्य समेत भइसकेकोले यस पटक केन्द्रीय सदस्यमा उम्मेदवारी दिएको ग्लोबल अनलाईन खबरलाई बताईन् ।

उनले नेपाली कांग्रेसको रुपान्तरण र पुस्तान्तरणका लागि आफूले केन्द्रीय सदस्यमा उम्मेदवारी दिएको बताउँदै प्रतिनिधिहरुको अमूल्य मतले नेपाली कांग्रेसमा नयाँ पुस्तालाई प्रोत्साहन गर्ने भएकोले अमूल्य मत दिई सहयोग गर्न समेत अनुरोध गरेकि छिन् ।