काठमाडौं, फागुन १६ । कागेश्वरी मनोहरा नगरपालिकाले फागुन २३ गते बाट दोस्रो चरणमा ५५ बर्स भन्दा माथिका नागरिक र स्कुल तथा महाबिद्यालयका कर्मचारीहरु र चालकहरुलाइ कोभिड बिरुद्दको खोप लगाउने भएको छ। आज नगर प्रमुख कृष्णहरि थापाको अध्यक्षतामा नर्लिंग रिसोर्टमा कोभिड १९ बिरुद्धको खोप अभियान अन्तर्गत कागेश्वरी मनोहरा नगरपालिका स्तरिय खोप समन्वय समितिको बैठकले उक्त निर्णय गरेको हो ।
साथै सो बैठकले यहि फागुन २३ बाट संचालन हुने कोरोना बिरुद्दको दोस्रो चरण को खोप संचालन को लागि २१ सदस्यीय नगरस्तरिय खोप समन्वय समिति गठन गरेको छ। फागुन २३ गते बाट कागेश्वरी मनोहरा नगरपालिका वडा नं २ को आलापोट स्वास्थ्यचौकी र कागेश्वरी मनोहरा नगरपालिका वडा नं ६ मुलपानी नगर अस्पताल बाट उक्त खोप लगाइने व्यवस्था मिलाइएको नगर प्रमुख कृष्णहरि थापाले जानकारी गराए ।
पहिलो चरणमा स्वैच्छिक रूपमा जोखिममा रहेका पेसा र व्यवसायका मानिस तथा भिडभाडमा काम गर्ने कर्मचारीदेखि स्थानीय तहका पदाधिकारीलाई खोप दिइएको थियो।
ग्लोबल अनलाईन खबर नेपाली भाषाको अनलाइन समाचार हो। हामी समाचार, सूचना, विचार, मनोरञ्जन र पाठकको रूचिका विविध सामग्री समेट्छौं । साथै, ग्लोबल अनलाईन खबर इन्टरनेटमार्फत वेबसाइट, युट्युब च्यानल ,टिकटक तथा फेसबुक पेजबाट समेत संसारभर हेर्न सकिनेछ ।