च्याम्पियन्स लिग : चेल्सीसँग एट्लेटिको पराजित

एजेन्सी – यूईएफए च्याम्पियन्स लिग फुटबलमा चेल्सीले एट्लेटिको मड्रिडलाई पराजित गरेको छ ।

लिग अन्तर्गत राउन्ड अफ १६ को पहिलो लेगमा एट्लेटिको म्याड्रिडलाई चेल्सीले १-० ले पराजित गरेको हो ।

मंगलबार राति भएको खेलमा फ्रान्सेली फरवार्ड अलिभिएर जिरुडले ६८औँ मिनेटमा गरेको ओभरहेड किक गोल नै जितमा निर्णायक भयो ।

जितसँगै चेल्सीले क्वाटरफाइनलको सम्भावना बलियो बनाएको छ । अब चेल्सीले घरेलु मैदानमा हुने खेल बराबरी गरे मात्रै पनि क्वाटरफाइनलमा स्थान सुरक्षित गर्नेछ ।