मुम्बई– बलिउड अभिनेता सलमान खानको सुटिङ हुने तयारीमा रहेको एक्सन फिल्म ‘टाइगर ३’लाई लिएर नयाँ खबर सार्वजनिक भएको छ । आगामी मार्च ८ बाट सुटिङ शुरु हुने फिल्मका लागि सलमान पार्कर टेक्निक तालिम लिँदैछन् ।
समाचारअनुसार फिल्ममा सलमानको एक्सनपूर्ण भूमिका हुनेछ । आफ्नो भूमिकाका लागि सलमान स्ट्रिक्ट डाइट र वर्कआउट सेशन पछ्याइरहेका छन् । फिल्ममा ‘रअ’ एजेन्टको भूमिकामा देखिनका लागि सलमानले एक्सनका केही नयाँ टेक्निक देखाउदैछन् ।
सलमानलाई पूर्ण रुपमा फिट बनाउनका लागि निर्माता आदित्य चोपडाले दक्षिण अफ्रिकाबाट पूर्ण तालिमप्राप्त स्टण्ट कोओर्डिनेटरको एक समूह नियुक्त गरेका छन् । यो समूह मुम्बई पुगिसकेको छ । ‘बिग बोस १४’को ग्राण्ड फिनालेपछि सलमान यो समूहसँग पार्कर टेक्निकको तालिम लिनेछन् ।
फिल्मकै लागि सलमान पनवेलस्थित आफ्नो फार्म हाउसमा ‘प्रोवलिंग’को कला पनि सिकिरहेका छन् । ‘टाइगर ३’ को मुम्बई तालिका सकिनासाथ फिल्म युनिट दुबई र इस्तानबुल जानेछ ।
–एजेन्सी
ग्लोबल अनलाईन खबर नेपाली भाषाको अनलाइन समाचार हो। हामी समाचार, सूचना, विचार, मनोरञ्जन र पाठकको रूचिका विविध सामग्री समेट्छौं । साथै, ग्लोबल अनलाईन खबर इन्टरनेटमार्फत वेबसाइट, युट्युब च्यानल ,टिकटक तथा फेसबुक पेजबाट समेत संसारभर हेर्न सकिनेछ ।